Elín Þóra Stefánsdóttir

2003-07-08T05:23:00.000-07:00

tilraun

2003-06-26T16:51:00.000-07:00

hlluloiu

2003-06-26T14:29:00.000-07:00

Jæja. Legg af stað í fyrramálið í sex vikna fjarveru frá Elvari og Emil. Ég vona að þetta verði fljótt að líða en samt gaman. Byrja á því að fara upp á Akranes á AMÍ til að fyrlgjast með krökkunum keppa og svo verður lagt í hann kl 5.20 á sunnudagsmorgun til Bretlands.

2003-06-21T14:47:00.000-07:00

Heyrði í Auðuni í dag ekkert of hress. Búinn að vera með ælupest úti í Danmörkur. Fann glósur úr Andrea elsker

2003-06-20T03:41:00.000-07:00

Jæja, það er búið að rigna í dag. Ég hef setið og skoðað afurðir samnemenda minna í Námi og kennslu. Bróðir minn fæddur 1960 hringdi i mig áðan og sagði mér frá því að hann hafi verið að verða afi ... Það er nú ekki á hverjum degi sem þeir bætast i fjölskylduna. Ég er svona í rólegheitum að undirbúa utanferðina og er komin í tölvusamband við konuna sem Auðun verður hjá. Þetta lítur allt ágætlega út.

2003-06-19T14:06:00.000-07:00

2003-06-17T04:12:00.000-07:00

hallo

2003-06-17T02:24:00.000-07:00

Nú hef ég ekki farið inná lengi, en það hafa verið viðburðaríkir daga undanfarið og eru framundan. Auðunni gekk mjög vel í samræmdu og brosti alveg í hring. Við höfum tekið við veðurstöðinni aftur eða réttara sagt Elvar. Ég fékk styrkinn sem ég sótti um svo að ég ætla að skella mér til Englands í nám í 5 vikur og Auðun kemur með. Auðun er að fara á morgun til Danmerkur til Ålaborgar í viku æfingabúðir í sundi fer síðan að keppa á AMÍ og svo förum við út sunnudaginn 29. júní og Elvar og Emil verða einir heima. Kveðja Elín.

Síðan mín

2003-05-23T07:34:00.000-07:00

Jæja. Ég er enn að afrita og líma. Ég gerði nefnilega töflur í word sem að ég hélt að ég gæti sett beint yfir íá vefsíðu en ég kann það a.m.k. ekki. Það var verið að eiga við tölvuna hjá mér svo nú get ég ekki farið á netið en vonandi verður því kippt fljótt í lag. Ég fékk styrkinn sem ég sótti um svo nú er ég að hugsa um að fara í málanám í sumar 5 vikur í Englandi í sól (og rigningu) . Bekkurinn minn var að framkvæma eitt af verkefnunum mínun í morgun. Sólkerfið á sandinum. Kveðja Elín.

2003-05-21T08:34:00.000-07:00

Halló er að vinna í lokaverkefninu. Er orðin dálítið lúin.

2003-05-18T04:15:00.000-07:00

jæja
Er að setja lokaverkefnið á vefsíðuform. Gekk ágætlega í gær. held áfram í dag.

2003-05-16T12:13:00.000-07:00

Halló
Er bara lítið að gera en ætla að reyna eitthvað um helgina. Sauðburður stendur sem hæst og dálítlar annir í því. Sól og blíða hér. Kveðja Elín.

2003-05-12T08:49:00.000-07:00

Hallóóóóóó
Jibbí. Nú er langt síðan að þið hafið heyrt í mér. Ég hef verið tölvulaus frá byrjun mánaðarins og er enn. Það er eitthvað að í tölvunni sem að þeir finna ekki. En ég á eiginlega bara eftir að setja verkefnið mitt á vefform þannig að þetta hlýtur að takast. Ég gleymdi alveg að blogga á meðan ég var að klára að semja verkefnið og svo tóku samræmduprófin við. Ég á nefnilega einn sem að maður verður að halda vel að verki sem er í 10. bekk en ég vona nú að þetta hafi allt gengið sæmilega, maður fer jú ekki fram á meira. Mér er létt eftir þetta allt. Verkefni upp á 43 síður og 6 samræmd próf. Við tókum á móti börnunum okkar með rósum og blöðrum, keyrðum þau um í björgunarsveitarbílunum með bláblikkandi ljós og fórum út að borða. Milli 15-18 er farið í sund, potta og gufu og svo förum við út í sveit í starfsmannabústað Orkubús Vestfjarða í Engidal, grillum skemmtum okkur og sofum. Heyrumst seinna EÞS.

2003-05-02T15:02:00.000-07:00

Lokaverkefni
Er á fullu í lokaverkefninu.

2003-05-01T11:40:00.000-07:00

Lokaverkefni
Ég er búin að vera rosalega dugleg í dag að vinna í lokaverkefninu. Sat frá 10-18.30. Eins og áður sagði er þetta samtvinnað úr námi og kennslu á netinu og náttúrufræði yngribarna, en því á ég að skila á mánudag. Það er dálítil bjartsýni en ég held mig samt að verki. Kveðja í bili. EÞS

2003-04-28T02:04:00.000-07:00

Snjór Jæja það er ennþá snjór. Það gengur ágætlega að vinna lokaverkefnið. Ég sé að teljarinn á heimasíðunni er búin að núlla sig, ég veit ekki af hverju það er. Ég er búin að uppgötva að ég hef lært heilmikið á windows í gegn um dream... Kveðja Elín.

2003-04-26T05:12:00.000-07:00

Prufa
kemur núna feitletrað?

2003-04-26T05:10:00.000-07:00

Af skildurækni
Nú er ég bara að blogga af skildurækni af því að ég þarf að blogga 3x í viku á námskeiðinu sem ég er á. Er að vinna í lokaverkefninu. Kveðja til allra úr snjókomunni að vestanþ Elín Þóra.

2003-04-24T14:22:00.000-07:00

Hrikalega langt síðan ég bloggaði síðast!
Hvað er ég eiginlega búin að vera að gera? Ég gat ekki tengst í dag, það gæti hafa verið eitthvað með álagið eða að tölvan hjá mér er að hrinja. Í dag var ég að vinna í lokaverkefninu sem er samþætt lokaverkefni í náttúrufræðikennslu yngribarna og nám og kennsla á netinu. Þar er hugmyndin að fjalla um fjölgreindir, leikræna tjáningu, útikennslu, leitarnám, hugsmíðahyggju, opinn skóli í Grunnskóla Bolungarvíkur og setja námskrá 1.-4. bekkja á netið og tengja í bækur og vefi. En ég gerði nú ekkert í gær enda var ég í skólanum til klukkan 20 að undirbúa dag farfugla sem er á morgur. Ég er svo heppin að geta notað power pointið mitt frá síðustu lotu. Jæja, en ég er semsagt mest að vinna núna ótengd svo maður er ekki hér á hverjum degi. Kveðjur Elin.

2003-04-20T10:13:00.000-07:00

Góðan dag.
Er ekki flott að hafa þetta svona feitletrað. Ég vona allavega að það virki en það sé ég ekki þegar ég er að skrifa þetta því að þetta kemur á html máli (eða heitir það ekki það). Ég var að skoða bloggara.is og þar sá ég þetta. Það er gott að dyravörðurinn á 16 ára ballinu sé svona mikill áhugamaður um blogg og sinni hliðargreinum eins og að safna í myndabók í vinnunni. Þarna getur maður skoðað afkvæmið sitt að skemmta sér. Er búin að vera að safna efni í dag vegna lokaverkefnisins. Veit einhver hvenær er síðasti skiladagur?? Kveðja í bili EÞS.

2003-04-19T16:01:00.000-07:00

Húrrei, húrei ........Var að enda við að setja vefleiðangurinn minn á vefinn. Þá á ég bara eftir lokaverkefnið. Ég er nú bara ansi ánægð með þetta hjá mér. Hér eru herlegheitin Heima síðan mín. Þetta er nú eiginlega framar eigin vonum og þá getur maður verið ánægður, það er ekki víst að kennararnir séu sammála en.... það eru jú alltaf fleiri en ein hlið á öllum málum. Ég horfi bara á þá sem mér finnst fallegri.... Ætla að fara að slaka á, finnst ég eiga það skilið. Kveðja Elín. Hef verið að glugga í HTML forritunarmálið, finnst það águgavert. Þar er bennt á þessa síðu ókeypis bakgrunnar en hún er líka hjá Salvöru.

2003-04-18T17:28:00.000-07:00

Jæja, þá er en einn dagurinn kominn fram yfir miðnætti. Búin að sitja við í dag og vinna vefleiðangur eða réttara sagt vefleiðangara. Æi, maður þarf alltaf að fara lengri leiðina einn eða þrír hvaða máli skiptir það. Ég hélt að ég gæti gert þetta á einum degi en ég klára þetta ekki í dag þó svo að ég vilji ekki fara strax að sofa því unglingurinn er á fyrsta 16 ára ballinu og mamman er heima með hnút í maganum. Við erum enn bara tvö í kotinu, feðgarnir enn í Kópavoginum. Það er æðislegt, maður getur sofið út og unnið svo í verkefnunum það sem eftir er dagsins og fram á nótt þessvegna. Vefleiðangurinn minn er þrískiptur hann fjallar um Bolungarvík, náttúruna í Bolungarvík og skólann í Bolungarvík. Kveðja Elín.

2003-04-17T17:56:00.000-07:00

Þá er klukkan að verða eitt. Var að enda við að setja kennsluverkefnið mitt á vefinn. Þá á ég bara eftir vefrallýið sem að ég byrja á á morgun og svo lokaverkefnið. Þetta gekk allt ljómandi. Húrra fyrir mér. Góða nótt.

2003-04-17T13:50:00.000-07:00

Er búin að sitja við í dag og vinna í kennsluverkefninu. Mér finnst ég vera að leggja alltof mikla vinnu í þetta, en svona er það bara. Feðgarnir eru í Kópavogi en við Auðun erum heima að læra. Ég fór fyrsta hjólatúrinn í gær og hjólaði 10 km. Ég gat varla setið almennilga í dag. Ég þarf að fá mér betri hnakk. Annars var verið að bjóða mér hjól. Við höfum notið þess að hjóla fjölskyldan og farið tvisvar í hjólaferðalag um Danmörk 1996 og 1998 það var æðislegt. Ég er búin að lofa sjálfri mér að ég ætla að fara í hjólferðalag með yngri drenginn þegar hann verður orðinn 10 ára. Gaman að sjá myndirnar úr partýinu hjá Kristínu. Kveðjur til allra.

2003-04-15T01:33:00.000-07:00

Þá er kominn þriðjudagur. Ég reyndi að fara inn um helgina en komst ekki. Ég hef verið að reyna að prófa það sem farið var yfir í staðbundnu lotunni en ekki gengið nógu vel. Mér gengur ekki nógu vel með Fire works. Svo er toolbarinn horfinn í Dream... mér finnst það frekar óþægilegt. En ég var nú frekar ánægð með mína stöð eftir suðurferðina svo fékk ég góða hjálp hjá Salvöru til að bæta Bloggsíðuna. Ég ætlaði að vera mjög dugleg að vinna í páskafríinu og ákvað því að taka pásu laugardag og sunnudag. Fór með Emil á leikskólann um 8.30 á mánudeginum og beint út í skóla að vinna. En... ég var ekki búin að vera lengi að þegar hringt var frá leikskólanum og Emil orðinn veikur. Mér gekk þó ágætlega heima í gær. Ég tengdi sólkerfisverkefni við netsíður og svo hlóð ég niður Hot Potatos sem ég vona að ég geti notað til að búa til verkefni. Kveðja Elín.

2003-04-10T06:05:00.000-07:00

Jæja, þá er ég í KHI. Þetta var nú frekar flókið en ég vona að það skili einhverju. Ég heyri að við erum mörg á svipuðum slóðum. Ég vona að ég komist sæmilega frá þessu. Kveðja Elín.

2003-04-08T13:46:00.000-07:00

Er búin að vera að setja tæknisögu og framtíð á vefsíðu. Það er eitthvað vanda mál með að flytja eina mynd. Eg get ekki séð hvað ég geri rangt. Er búin að færa inn mynd fyrir myndaalbúm og setja inn einn takka. Það var ekki miki mál. Sjáumst á fimmtudag. Kveðja Elín.

2003-04-07T12:31:00.000-07:00

Jæja, þá er fuglaverkefnið mitt tilbúið og ég búin að senda mér það í pósthólfið. Ég vona að það virki. Það er búið að vera skondið veður í dag, snjókoma og sól. Ég þarf að gera nokkra hluti áður en ég kem suður en en heimatölvan hrundi á föstudag svo ég veit ekki hvað verður. Reyni samt. Kveðja Elín.

2003-04-06T10:44:00.000-07:00

Jæja blessuð. Nú er búið að vera mikið að gera. Árhátið nemenda var í gær. 5.-10. bekkur standa saman að árhátíðinni. Einn kennarinn hjá okkur notaði veikindafríið sitt og setti saman nokkur ævintýri í eina leiksýningu. Þetta var mjög skemmtileg útkoma. Núna er ég að vinna í fuglaverkefninu mínu. Ég fékk að vita á föstudaginn að ég fékk ekki styrkinn sem ég sótti um til að vinna ákveðinn vefleiðngur svo nú ætla ég að velja mér eitthvað sem mig langar til. Ætla að halda áfram að vinn. Kveðja Elín.

2003-04-02T05:34:00.000-08:00

Er að vinna í powerpoint fuglaverkefni. Búin að skrifa allt upp og þarf að finna myndir. Vinn í því núna. Kveðja Elín.

2003-04-02T05:33:00.000-08:00

Komst inn núna!!!

2003-03-24T13:39:00.000-08:00

Jæja, nú hefur verið mikið að gera. Ég er búin að gera könnunina hjá Sólveigu og var að vinna í verkefni á öðru námskeið. Svo var ég að gera skattaskýrsluna en ég hef ekki gert hana í mörg ár vegna atvinnureksturs en vildi endilega prófa núna. Og það tókst nú bara held ég. Ég ætla að reyna að gefa mér tíma bráðum til að vinna svolítið meira í bloggsíðunni minni langar að koma inn teljar og gestabók á ísl og eitthvað svoleiðis. Er að fara heim eftir langan dag . Kveðja Elín.

2003-03-17T11:03:00.000-08:00

Ég á von á tengdó í heimsókn á fimmtudag og hún ætlar að vera fram á mánudag. Hún er ein af þessum notarlegu tengdamömmum sem að tekur til hendinni þegar hún kemur í heimsókn. Ég ákvað því að vera búin með verkefnið til Sólveigar og fara í verkefnið sem ég á að skila í náttúrfræði yngri barna, ég vona að þetta gangi allt upp. Ég er bara ánægð með síðurnar mínar sem komið er. Er að vísu ekkert farin að vinna í vefleiðangri en er búin með eitt vefrallý. Ég sótti um styrk í Menningarsjóð Sparisjóðsins til að gera ákveðið verkefni og er að bíða eftir hvað kemur út út því. Annars vel ég bara það sem mig langar í. Gerði tölvurannsóknina í dag og er að fara að setja hana inn. Vonandi gengur allt vel. Heyrumst síðar. Er enn að velta fyrir mér af hverju Salvör er ekki búin að tengja í heimasíðuna mína. Kveðja Elín.

2003-03-14T16:25:00.000-08:00

Það var vesen með vefrallýið mitt en ég vona að það sé komið inn núna. Var að vinna UT síðurnar fyrir Láru. Ég verð nú að yfirfara enskuna við tækifæri. Kennara leiðbeiningarnar hljóðuðu upp á skil sunnudaginn 14. mars, hvenær er hann? Ég ákvað að fara eftir tölustöfunum því að litli maðurinn minn verður 3ja ára á sunnudaginn og nóg að gera. Kveðjur til allra Elín Þóra.

2003-03-11T14:01:00.000-08:00

Jæja, nú held ég að þetta sé loks komið.Tanntarannta rann heimasíðan mín ér hér Ég vona að hún haldist að minnsta kosti um stund. Þá er að fara að vinna í fleiri verkefnum. Kveðja Elín.

2003-03-09T13:17:00.000-08:00

Jæja, þá hef ég setið við í dag og er orðin nokkuð ánægð með afurðina en þegar ég ætlaði að flytja þetta yfir kom FTP error Hvernig getur staðið á því?

2003-03-09T05:40:00.000-08:00

Góðan dag. Sat í gær frá 12-24 og lék mér í Fierworks. Þetta kemur smátt og smátt. Það tók allan þennan tíma að klippa 3 myndir, lýsa bakgrunn og setja mynd í ramma. Ég náði samt ekki að gera hring utanum og setja það í ramma. Ég var búin að gera einhver ferleg mistök í site á heimasíðuforritinu. Ég var komin með allt desktoppið eina ferðina enn þar inn. Svo þegar ég eyddi því þá fór það líka úr tölvunni, svo ég varð að taka það aftur úr ruslafötunni. ég vona að ég hafi ekki skemmt mikið en eitthvað er alveg farið. Vill til að ég var ný búin að senda frá mér nokkuð að unnum skjölum í öðrum erindum. Vona að allt fari vel. Elín Þóra.

2003-03-05T05:57:00.000-08:00

UT2003
Árleg ráðstefna um upplýsingatækni í skólastarfi var haldin 28. febrúar til 1. mars 2003 í Verkmenntaskólanum á Akureyri undir slagorðinu: "Er ekki kominn tími til ... að byggja á reynslunni ... að allir njóti tækifæranna ... að taka til hendinni", en þátttakendur áttu miserfitt með að tengja í þessi slagorð.

Frá árinu 1999 hefur menntamálaráðuneytið staðið fyrir ráðstefnum sem tengjast upplýsingatækni í skólastarfi undir heitinu UT. Ráðstefnum þessum hefur verið vel tekið af skólafólki en um 1300 manns tóku þátt á síðasta ári, en einungis um 600 í ár. Ráðstefnugestir voru af öllum skólastigum, þó voru flestir af framhaldsskólastigi. Tvær ástæður koma upp í huga mér sem gætu átt þátt fækkun þátttakenda, er önnur kostnaðurinn við ferðir og upphald sem er um 20.000 auk þess sem ráðstefna var í gangi í Reykjavík fyrir leiksólastigið á sama tíma.
Þessar ráðstefnur hafa skapað góðan vettvang fyrir skólafólk og aðra áhugasama til að finna nýjar lausnir, leysa vandamál og miðla nýjungum í upplýsingatækni í skólastarfi þ.e. forritum, vefum og verkefnum tengd tölvum, tækni og upplýsingar miðlun.
Ráðstefnan var byggð upp á þremur aðalfyrirlesurum, þeim Jóhanni Reynissyni sveitastjóra sem talaði um draumsýn sína á upplýsingatækniþjóðfélagið og landsbyggðina, Johan Strind sem talaði um framtíðina og Guðrúnu Þengilsdóttur sem sagði frá reynslu sinni af að vera með og án fartölvu í fartölvubekk. Af þessum þremur fannst mér fyrirlestur Guðrúnar skilja mest eftir því hún lýsti persónulegri reynslu á mjög skeleggan hátt. Fyrir mig persónulega er þetta athugunarefni því að ég á son sem að er í 10. bekk í vetur og hef ég verið að velta fyrir mér hvort ég eigi að fjárfesta í fartölvu. Þegar ekki voru sameiginlegir fyrirlestrar voru valfyrirlestrar, málstofur og sýnistofur í gangi, 14 í einu þ.a. velja varð á milli. Mér fannst það ekki alltaf auðvelt og reyndi að komast yfir sem mest. Það sem mér fannst slæmt var að ég hafði ekki kynnt mér nógu vel hvað stóð að baki nafni hvers dagskrárliðar því að nöfnin voru ekki alltaf nógu lýsandi.
Þær valstofur sem ég sótti voru: Tölvur og vísindaiðkun barna, Fjaran og hafið, Útlönd eru mörg, fleiri en tuttugu, vissir þú það?, Hugmyndasmiðja Menntagáttarinnar, Hvaða gagn geta kennarar haft af norræna og evrópska skólanetinu? og Tölvunotkun í myndlistar og hönnunarkennslu.
Þó svo að ég þurfi ekki að segja frá nema tveim fyrirlestrum langar mig að skrá niður dálítið fleiri fyrir sjálfan mig og aðra sem þetta lesa.

Tölvur og vísindaiðkun barna
Um kynninguna sá Arnar Yngvason, deildarstjóri á Leikskólanum Iðavelli Akureyri. Hann sagði frá tækninni sem þau nota í námi og kennslu leikskólabarna og sýndi notkun tölvusmásjár í leikskólastarfi. Mér leist mjög vel á þetta. Tölva, skjávarpi og tölvusmásjá (usb tengi) voru tengd saman. Smásjáin var af gerðinni Interplay og fékkst í BT á 15.000 kr. Sem er ekki mikill peningur fyrir svona tæki og NB hún hafði aldrei bilað. Smásjáin er í raun bæði víðsjá og smásjá því hún stækkar frá 10 x upp í 200 x. Bæði er hægt að skoða og taka kyrrmyndir og taka upp hreyfimyndir (dýr sem eru lifandi undir smásjánni), vinna með bakgrunn og setja inn hljóð ef hljóðgervill er einnig tengdur við tölvuna. Í þessu tæki sá ég mikla möguleika, en þetta kemur ekki í staðin fyrir venjulega smásjárvinnu. Þetta tæki gæti vel nýst frá leikskólaaldri og upp á miðstig, en einnig fyrir alla fatlaða einstaklinga.

Hvaða gagn geta kennarar haft af norræna og evrópska skólanetinu?
Spurði Björn Sigurðsson, sérfræðingur á þróunarsviði Menntamálaráðuneytisins.
Evrópska skólanetið eun.org var stofnað 1997 og standa að því 22 ráðuneyti og er Menntamálaráðuneyti Íslands eitt þeirra. Vefurinn hefur ekki gott notendaviðmót og er dálítið flókin. Á vefnum er aðallega efni fyrir grunn- og framhaldsskóla en minna fyrir leik- og háskóla. Vefnum er skipt niður í kennara og nemendavef. Á vefnum eru ýmis verkefni í gangi t.d
- myEurope: verkefni sem Stokks-Eyrarbakki tekur þátt í.
- Comenius space
- Virtual school: 20 námsgreinar, ókeypis forrit flokkuð niður.
- ETB vísir að evrópskri menntagátt.
- eXplorer: samkeppni fyrir framhaldsskólanemendur þar sem þeir búa til vefi fyrir aðra framhaldsskólanema.
- Green week: samkeppni fyrir skóla 2.-6. júní 2003
- eSchola: vettvangur þar sem kennarar og nemendur geta hist, skipst á hugmyndum og unnið að margskonar sameiginlegum verkefnum auk þess að eiga möguleika á að vinna til verðlauna fyrir verkefni sín.
- ENIS: net frumkvöðla í upplýsingartækni.
Evrópska skólanetið gefur út fréttabréf hálfsmánaðalega.
Norræna skólanetið heitir Óðinn odin.dk og er í umsjá Dana um þessar mundir en mun færast til Svía von bráðar. Það sem er áhugavert á odin.dk er
- kontakt gallery þar sem óskað er eftir norrænni samvinnu á ýmsum sviðum.
- Ókeypis webct
- Bibbi barnabókasafn
- Norrænt námsefni
- Ýmis þemu eru í gangi
- Margmiðlun í kennslu
- Góð krækjusöfn, orðabækur og skólanet
Ég veit að þessi net geta nýst öllum kennurum sem vilja gera eitthvað fleira en að kenna námsbækur frá síðu 1-100 og bíð því spennt eftir að kynna mér þessa vefi enn betur.

Hugmyndasmiðja Menntagáttarinnar
Hún var kynnt af Sigrúnu Evu Ármannsdóttur, verkefnastjóra Menntagáttar og Jónu Pálsdóttur, deildarstjóra í Menntamálaráðuneytinu.
Verið var að kynna Menntagáttina í fyrsta skipti og sýna frumgerð hennar. Tilgangur Hugmyndasmiðjunnar var að fá viðbrögð notenda við því hvað þeir vilja hafa á Menntagátt. Hægt verður að skrá verkefni á netinu inn á gáttina, en þau verða gæðametin áður en öðrum verður veittur aðgangur að þeim. Meiningin er að tengja verkefnin við námskrána til þess að gera gáttina markvissari. Til þess að auka flæði verkefna inn á gáttina hafa gáttarmenn ákveðið að bjóða upp á styrk fyrir gott gagnvirkt efni.
Ég hef trúa á að þessi vefur geti orðið góður í framtíðinni, það er bara eitt sem að dregur aðeins úr væntingum mínum og það er ef þeir ákveða að selja verkefnin út úr bankanum, það myndi minnka notkun hans. Ég hef verið að velta fyrir mér í tengslum við þetta að kennara sem að útbúa verkefni í undirbúningatíma sínum verða að vera meðvitaðir um að þeir eru búnir að fá greitt fyrir vinnuna við verkefnin og eiga því ekki að selja þau, eða hvað?

Með kveðju, Elín Þóra Stefánsdóttir
Völusteinsstræti 8
Bolungarvík

2003-03-04T14:37:00.000-08:00

Jæja, þá er ég búin að setja forritið upp en er búin að vera svo full að kvefi að ég get ekki hallað mér yfir tölvun af ótta við að hún slái út vegna nefrennslis. Ég vona að þetta gangi fljótt yfir það er svo óþægilegt að vera með hausinn allan fullan af kvefi.

2003-03-03T04:23:00.000-08:00

Jæja, þá er maður komin heim af UT2003. Ég var mjög ánægð með ráðstefnuna en hefði viljað komast á fleiri fyrirlestra, erfitt að þurfa að velja á milli. Akureyri er falleg á þessum árstíma því þá njóta húsin sín vel. Ég gisti á Sjöstjörnunni sem er gisting í gömlu fallegu húsi með útskornum loftlistum og fallegum húsgögnum. Ég er að velta fyrir mér að tengja í hana á heimasíðunni minni. Í dag er sól og yndælis veður. Þakka öllum samveruna á Akureyri, kveðja Elín Þóra.

2003-02-27T06:00:00.000-08:00

Heil og sæl. Nú er ég búin að pannta bæði flug og gistingu og er á leið norður á UT2003. Vonandi verður mjög gaman. Sjáumst á morgun. Kveðja Elín.

2003-02-24T08:53:00.000-08:00

Er að reyna að setja gestabók inn á bravenet.com held áfram á morgun.

2003-02-23T06:48:00.000-08:00

Datt allt út hjá mér. Var að lesa leiðbeiningarnar með Fireworks og sé að ég hef verið að gera ýmislegt rangt en vona að ég geti lagað það. Ég sá þegar ég var að lesa inn á webbordin að það eru fleiri en ég sem að ekki eru enn búinir að fá forritin frá Tæknivali.

2003-02-22T08:26:00.000-08:00

Búin að sitja síðan fyrir tólf og vera að lesa á netinu og afla mér upplýsinga um allt sem við þurfum að vita meðal annars Fire work og fleira. Mér sýnist ég vera komin með skilaverkefni 1. mars svo ég er að hugsa um að fara heim, enda orðin slæm í skrokknum. Les yfir það sem ég er búin að prennta út í kvöld og kem aftur á morgun. Kveðja Elín.

2003-02-22T04:38:00.000-08:00

Heil og sæl öll. Hef lítið gert undanfarið nema að hugsa. Er ekki enn búin að fá forritið vegna mistaka hjá Tæknivali en er heppi þess í stað og fæ nýja útgáfu í staðin. Núna er ég niður í skóla. Ég vinn gjarnan hér í þessu námskeiði því að kerfið hér er hraðvirkara en heima. Sit við tölvuna a.m.k. laugardag eða sunnudag á meðan fjölskyldan nýtur þessa milda vetrar. Það er að vísu hvasst dag eftir dag. Er að fara að vinna í heimasíðunni og vefrallýinu í dag. Sjáumst síðar.

2003-02-17T01:10:00.000-08:00

Jæja, þetta gekk nú ekki eins og ég ætlaði. Gekk vel að búa til fjölskyldusíðu en að tengja á milli virkaði ekki þegar ég setti síðurnar aftur út. þarf að skoða þetta betur, möppufyrirkomulagið gæti verið eitthvað skrítið.

2003-02-16T04:24:00.001-08:00

Góðan dag. Hef ekki bloggað í dálítinn tíma. Búið að vera mikið að gera í vinnunni, próf í næstuviku. Er búin að vera að dútla dálítið í morgun, tengingar og slíkt. Erfiðleikar með að tengjast KHI.

2003-02-16T04:24:00.000-08:00

2003-02-09T00:51:00.000-08:00

Góðan dag. Fann mjög spennandi síðu á netinu um stærðfræði http://mathforum.org/te/. Kom átta í morgun og er að fara að vinna í síðunum mínum. Vonandi gengur allt vel. Jibbí, þetta heppnaðist. Greinilega minn dagur í dag. Komin með grunn af heimasíðu og kynningu á mér.

2003-02-06T14:35:00.000-08:00

Jæja, þá tókst mér að flytja síðu yfir á heimasvæðið mitt. Mér hefur gengið illa að búa til möppur á site því hún vill alltaf hafa H drif sem ekki er samþykkt þegar lengra kemur. En ég breitti því í C og vistaði í möppuna all sem vistast gat bæði firework og Dreamweaver og öll skjöl sem tilheyra þeim...... Mér tekst ekki að eyða þessu. Ætli sé til leið til þess eða á ég að hafa þetta allt undir Site. Þetta er meira en 10sm langur listi.
Það er í Where on your computtur do you want to store your file? sem ég gerði vitleysuna. Ég man ekki hvernig við settum upp draumana okka í byrjun.
Kveðja Elín.

2003-02-05T14:15:00.000-08:00

Takk Salvör fyrir hjálpina. Nú sé ég allavega að vefsvæðið mitt virkar. Er búin að vinna dálítið í vefrallýinu til að nota tímann. Ég er með mjög hægvirka tenginu heima svo að það er betra að vinna niður í skóla í tengingu. Ég þarf að gefa mér tíma til að að fara niður eftir annað kvöld og svo aftur á laugardag og sunnudag til að taka skurk. En hér kemur hugmynd af rallýi.
Lotukerfið

Nú ætlar þú að fræðast um lotukerfið og ýmislegt fleira. Námsgagnastofnun er með nýjan vef með sem er mjög fræðandi. Ef þú ert í 8. bekk er þetta tilvalið ferðalag fyrir þig. Líka ef þú ert í 9. eða 10 . bekk eða bara fróðleiksfús einstaklingur.

Mundu að stundum þarftu að leita svolítið en...... þetta eru nú bara rúmlega 100 skúffur sem að þú getur opnað og hver er ekki fljótur að því?

Finndu svör við spurningunum sem koma á eftir, þau eru öll á vefsíðunni hér fyrir neðan.

http://www.namsgagnastofnun.is/lotukerfi/lotan.htm

1. Hvað er lotukerfi?

2. Hvað hét maðurinn sem þróaði lotukerfið (höfundur þess)?

3. Nafn, fæðingar- og dánarár.

Skoðaðu frumeindalíkan.

4. Hvað heita eindirnar sem eru í kjarna?

5. Hvað heita eindirnar sem eru á rafeindahvolfum?

Opnaðu H. Nú sérðu að H er skammstöfun fyrir vetni og vetni er númer 1 í lotukerfinu. Við segjum að það hafi sætistöluna 1. 1S ¹ þýðir að H er með ¹ rafeind á 1 rafeindahvolfi.

6. Númer hvað er He?
7. Hver er rafeindahýsing He? En Li?
8. Í hvað er Li notað?
9. Hvað er algengasta frumefni alheimsins?
10. Hvaða frumefni er undirstaða í öllum lífrænum efnasamböndum?
11. Hver fann upp fyrsta nákvæma hitamælinn?

Skoðaðu fróðleiksmolann hjá praseódými.

12. Hvað eru 0 K (Kelvin) margar °C (Celsíus)?
13. Hvert er bræðslumark praseódýms í °C?
14. Hvað er alkul?

Finndu efni númer 54. Þar finnur þú hvernig á að breyta úr F (Farenheit) í °C.

15. Hvað eru 100 F margar °C gráður?
16. Hvað getur logi verið heitastur?
17. Hverjar eru forsendur þess að efni brenni?
18. Hvað ákveður hver massatala frumefnis er?
19. Hver er hleðsla róteinda?
20. Hvað eru samsætur?
21. Hvað er öllum frumefnunum sem táknuð eru með rauðum stöfum sameiginlegt?
22. Hvað er sólarljósið lengi að ferðast til jarðar?
23. Hver er hljóðhraðinn?
24. Hvað er sameiginlegt öllum frumefnum sem menn búa til?
25. Til hvers er kvikasilfur notað?
26. Hvaða frumefni er notað til sótthreinsunar í sundlaugum?
27. Hvað er olía?
28. Hvenær var zink uppgötvað?
29. Hvaða frumefni flytur súrefni um líkamann?
30. Hvað er líkt með vatni og gallini?
31. Hver er skammstöfun járns, gulls, kopars og silfurs?

Núna ertu búinn?

Gekk ekki vel ☺

Takk fyrir, vonandi ertu margs vísari. ☺☺☺

2003-02-03T13:58:00.000-08:00

Er að basla í gegn um leiðbeiningarnar í help í macromedia. Gengur ekki vel.

2003-02-02T05:05:00.000-08:00

Jæja ég hef gleymt að posta það sem ég gerði áðan. En nú er ég búin að koma inn mynd á bloggerinn og fullt af tengingum. Þá er bara að basla við að flytja heimasíðuna næst.
Kveðja Elín.

2003-02-01T12:47:00.000-08:00

Jæja, er að bíða eftir leiðbeiningum, er strand í bili.

2003-01-28T12:16:00.000-08:00

Frábært. Ég fékk strax svör við spurningum mínum frá Salvöru. það er svo mikilvægt að fá skjót svör þegar maður er svona einn langt frá öllum. Ég er að velta fyrir mér að skipta um efni fyrir vefrallý. Finn ekki nógu mikið um hindúa, kannski seinna. Er að velta fyrir mér náttúrufræði og lotukerfinu ætla að skoða það betur á eftir.

2003-01-27T14:04:00.000-08:00

Er búin að vera að reyna að byrja á heimasíðu í kvöld. Er í basli, finn ekki expand colaps, get ekki búið til möppu sem kemur fram til hægri á vefnum eins og draumar síðast. Ef ég hef töflu get ég þá ekki haft texta við hliðina á? Er í vandræðum með að nota bilstöngina?
Ég er búin að fá svæði á notendur.snerpa.is/eths en hef ekki getað nýtt mér það enn. Ég vinn gjarnan niður í skólanum mínum því þar er friður á kvöldin.

2003-01-26T09:01:00.000-08:00

Jæja góðan daginn. Þá er maður komin í gír eftir hið árlega þorrablót Bolvíkinga. Ljósmyndari frá fréttablaði var á staðnum í gær svo ég vona að ég geti tengt í bb vefinn ef hann setur þær inná. Þá getið þið séð hvernig við höldum þorrablót hér í Bolungarvík, en það er um margt ólíkt öðrum stöðum. Ég var að velja mér bakgrunn áðan á bloggið sem ég er ánægð með. Fyrsta valið var kannski dæmigert um það að læra á þessu námskeiði við prófum og gerum síðan aftur þangað til við erum ánægð. Er í vandræðum með að byrja að vinna, hefði viljað færa prufurnar sem við gerðum í RVK inn í dream... verð að reyna seinna.

2003-01-23T08:59:00.000-08:00

Kynning á mér. Hluti af heimasíðunni

Elín Þóra Stefánsdóttir

Ég heiti Elín Þóra Stefánsdóttir og er fædd á Ísafirði 19. september 1965. Foreldrar mínir voru Jóhanna Vilhjálmsdóttir húsmóðir og Stefán Ingólfur Jónsson húsasmíðameistari. Systkinahópurinn er fast að tug en ég er ein eftir á Vestfjörðunum. Ég ólst upp á Ísafirði fram að 15 ára aldri en 15-20 var ég í Bolungarvík á sumrin en á Ísafirði á veturna og stundaði þá nám við Menntaskólann á Ísafirði.

Eftir stúdentspróf hóf ég nám í líffræði við HÍ. Eftir það tók ég við starfi vitavarðar og veðurathuganamanns á Galtarvita. Á Galtarvita var alveg dásamlegt að vera. Galtarviti er ekki í vegasambandi, en þangað er hægt að komast gangandi, siglandi eða á snjósleða. Á Galtarvita gekk ég með eldri son minn og var flutt með Gísla Hjalta björgunarbáti björgunarsveitarinnar í Bolungarvík þegar sá litli vildi koma í heiminn.

Eftir Galtavitaárin hóf ég kennslu við Grunnskólann í Bolungarvík. Mér féll ágætlega að kenna svo ég afréð að fara í fjarnám við KHÍ grunndeild og lauk þaðan prófi 1996. Í kennslunni hef ég verið að færast til eftir því sem þörf hefur verið á. Ég byrjaði sem náttúrufræðikennari á unglingastigi og fór síðan í bekkjarkennslu (er farin að kenna með gömlum nemendum mínum). Eftir þá lotu kenndi ég íþróttir og dans en er nú komin í bekkjarkennsluna aftur. Ég hef verið að kenna árgangi 1991 í þrjú ár og finnst trúlegt að ég verði líka með þau í 7. bekk.

Haustið 2002 hóf ég nám í Framhaldsdeild KHÍ í fjarnámi. Þar er ég á braut sem kallast Kennslufræði og námsgagnagerð. Í haustlotunni var ég hjá Erlu Kristjánsdóttur í Nám og kennslu við aldarhvörf en núna á vorönn verð ég í Nám og kennsla á netinu hjá Salvöru Gissurardóttur og Náttúrufræði/raunvísindi í byrjendakennslu hjá Gunnhildi Óskarsdóttur.

Fjölskyldan.

Ég er gift Elvari Stefánssyni en hann er fæddur og uppalinn í Bolungarvík. Samband okkar hefur varað mjög lengi miðað við aldur og eigum við bráðum postulíns brúðkaup.
Elvar hefur unnið við sjávarútveginn ýmist á sjó eða í landi. Aðal áhugamál hans eru kindurnar okkar, mótorhjól og útivera.

Eldri sonur minn heitir Auðun Jóhann og er fæddur 27. júlí 1987, daginn sem Ísafjarðarkirkja brann. Hann er yndislegur drengur og mikill vinur móður sinnar. Hann stundar nú nám í Grunnskóla Bolunarvíkur auk þess að vera í fjarnámi í FA. Aðal áhugamálin hans eru sund, gítarleikur, tölvuleikir og útivera.

Yngri sonur minn heitir Emil Uni og er fæddur 16. mars 2000 á degi Guðmundar góða.
Emil er á leikskólanum Glaðheimum og unir hag sínum vel. Emil er mikið fyrir að vera úti og finnst skemmtilegt að fara í fjárhúsin með pabba sínum.
Áhugamál mín eru útivera og ferðalög, I just love it!

2003-01-22T15:31:00.000-08:00

Vefrallý.

Ég hef haft það bak við eyrað að gera vefrallý um hindúatrú. Ég er bara dálítið hrædd um að það sé til lítið efni á islensku.
http://www.hinduonnet.com/thehindu/mp/2002/06/03/stories/2002060300870200.htm
http://safn.mbl.is/mm/gagnasafn/grein.html

2003-01-22T15:28:00.000-08:00

Framtíðarsýn Elínar Þóru.
Eftir 10 ár???? Mér fannst það vera mjög framandi þegar þú varst að segja okkur frá stafræna sjónvarpinu... Ég rak eiginlega upp stór augu. Ég hef lítið sett mig inn í það hvað er væntanlegt, en kannski fer ég að gera það núna. Eftir 10 ár reikna ég með að hafa endurnýjað tölvuna mína og vera búin að gera eitthvað í símalínumálunum hjá mér. Ég get ekki flutt nema á 19.2kb hraða með þeirri tengingu sem að ég er með núna og er dálítið pirruð á því. Ég reikna með að flestir kennarar í skólanum verði komnir með fartölvur og þá tek ég hana örugglega með heim ef að ég verð ennþá í kennslu. Ég ber miklar til þessa námskeiðs sem ég er á og finnst þetta mjög skemmtilegt. Ég ákvað að kaupa forritin og vona að ég geti unnið fyrir kostnaði þeirra með því að selja einhverja afurð. Já, ég lofa semsagt að taka þessu alvarlega og vera dugleg að æfa mig. Ég gæti líka hugsað mér að ég ynni að einhverju leiti fyrir mér í gegn um tölvuna. En hvað tæknihliðina varðar get ég ekki ímyndað mér hver þróunin verður.

Kveðja Elín Þóra.

2003-01-20T09:22:00.000-08:00

Tæknisaga Elínar Þóru.

Ég og tæknin skildum aldrei hvort annað
og eflaust má kenna það.......
En nú eru vonandi breittir tímar framundan eða hvað?

Á þessa lund gæti hljóðað ljóð um mig og tæknina líkt og hjá skáldinu forðum um hamingjuna.
Í fáum orðum er hægt að segja að ég sé ekki mikið fyrir tæknilegar nýjungar. Ég nota t.d. ekki mikið bíl ef ég kemst hjá því. Ég er ekki mikið fyrir að kaupa mér raftæki, heldur virðast aðrir meta það þannig að hlutirnir séu mér nauðsynlegir. Ég varð frekar móðguð þegar mér var gefin sjálfvirk kaffikanna, því sjálf drekk ég ekki kaffi. Mér hefur einnig verið gefinn örbylgjuofn og DVD spilari. Einhverra hluta vegna keypti ég mér rafmagnsupptakar sem er mjög ólíkt mér og upptökuvél hefur fylgt heimilinu í 15 ár. Ég á náttúrulega öll þessi algengustu heimilistæki sjónvar, myndbandstæki sem keypt var notað af tengdamömmu, útvarp, eldavél, ísskáp, vöfflujárn og samlokugrill sem að er nánast samvaxið við son minn 15 ára. Ég á ekki farsíma en er mjög ánægð yfir því að sonurinn og eiginmaðurinn skuli eiga farsíma. Hvað tölvumál varðar þá kynntist ég tölvum fyrst þegar ég var í Menntaskólanum á Ísafirði 1981 en þá átti sá skóli ásamt Iðnskólanum tvær tölvur saman. Tölvurnar voru í MÍ fyrir jól og eftir jól í Iðnskólanum. Ég man ekkert eftir tölvukennslunni í MÍ enda grunar mig að þessum töfratækjum hafi verið sýnd mikil gestrisni og ekki gerðar miklar kröfur til þeirra. Þegar ég sótti um í líffræði í HÍ var okkur boðið upp á viku tölvunámskeið áður en hin almenna kennsla hófst. Ég ákvað að sækja þetta námskeið því að ég taldi það vera mjög mikilvægt. Þegar ég hugsa til baka var þetta örugglega Logo námskeið, en það hefur nú ekki nýst mér mjög mikið. Ég keypti mér fyrstu tölvuna 1993 þegar ég byrjaði í fjarnámi í KHÍ. Keypti hana notaða af dreng sem hafði fengið hana í fermingargjöf en langaði frekar í hest svo hann seldi hana. Við hana keypti ég mótald 2400 sem ég nýtti til póstsamskipta við kennara og nemendur KHÍ. Tölvan var smátt og smátt ónothæf til að vinna á netinu svo einn daginn setti ég hana inn í skáp. Eftir það notaði ég tölvurnar á vinnustaðnum mínum Grunnsk.Bol. Þar voru framanaf tvær tölvur, en nú eru þær 15, skanni, brennari, lazer- og litaprentari. Skólinn á einnig skjávarpa sem að ég hef aðeins notað og digital myndavél og eina fartölvu. Þegar sonur minn fermdist fyrir tveim árum ákváðum við hjónin að gefa honum hálfa tölvu í fermingargjöf og ég vildi eiga hana með honum til að fá öruggan aðgang. Þetta er ágætis tölva og hefur batnað eftir að melenium var skipt út fyrir XP. Við hana er brennari og prentari. Ég man nú ekkert hvað hún er stór, enda er ég ein af þeim sem að flokka bíla frekar eftir lit en tegund. Nú ég hef farið á a.m.k. þrjú tölvunámskeið en einhverra hluta vegna gleymi ég því sem ég nota ekki að staðaldri. Að meðaltali hugsa ég að ég sé klukkutíma á dag við tölvuna og finnst Netið vera frábær auðlind. Ég hef ákveðið að fjárfesta í forritapakkanum og vona að ég geti eitthvað nýtt mér þetta í framtíðinni. Ég er með venjulega gamaldags tengingu frekar hægvirka vegna þess að Veðurstofa Íslands er inni á okkar línu með sjálfvirka veðurstöð. Ég nota Netið til að kaupa mér flugfar en hef ekki verslað á því að öðru leiti. Í skólanum er ágætis tölvuver og þar er sítenging. Þjónustuaðilinn minn er Snerpa.
Kveðja Elín Þóra.

2003-01-18T05:42:00.000-08:00

Athuga seinna -Til að losna við auglýsingar - blogspot.com uppgrate now þar veljum við úr töflu - ath. stundum hægt að hafa myndir -gefum upp kortanúmer. 15 á ári engar myndir 5 á mánuði myndir.

2003-01-18T05:35:00.000-08:00

Til að gera tengingar í KHÍ sverti ég khi og tengi hnött með hlekkjum og næ í slóðina á netinu.

2003-01-13T09:30:00.000-08:00

Jæja, nú er ég glöð. Rúnar aðstoðaði mig við að hlaða inn forritunum. Ég var búin að reyna áður en heimasvæðið sem ég hef til umráða á skólatölvunum er ekki nógu stórt svo ég verð að vera með þetta fyrir utan mitt svæði. Ég vona að það gangi. Og hvað svo? Hrynur allt eftir 30 daga? Ég vona ekki. Ég fékk lánaða myndavél skólans og ætla að fara með hana heim til að taka fjölskyldumyndir. Bless í bili. E.S. 42 á námskeiðinu... Það hlýtur að verða stuðningsfulltrúi.

2003-01-10T08:47:00.000-08:00

Góðan dag. Var að skoða leitarvefina í gær. Annað verður að koma smátt og smátt eins og að venja mann við vatn. Ætli vatnshræðsla og tölvuvanmáttur sé ekki eitthvað svipað? Skrítið að maður skuli alltaf gleyma því sem maður lærir í tölvum ef þetta er ekki notað. þetta ætti að vera eins og þegar við lærum að hjóla, við gleymum því aldrei.
Kveðja Elín